അമേരിക്കന്‍ ഐക്യനാടുകള്‍
അമേരിക്കന്‍ ഐക്യനാടുകള്‍ അഥവാ യുണൈറ്റഡ്‌ സ്റ്റേറ്റ്‌സ്‌ ഓഫ്‌ അമേരിക്ക വടക്കേ അമേരിക്കന്‍ ഭൂഖണ്ഡത്തിലുളള 50 സംസ്ഥാനങ്ങള്‍ ചേര്‍ന്നുള്ള ഫെഡറല്‍ റിപബ്ലിക്ക്‌ ആണ്‌. യു.എസ്‌.എ., യു.എസ്‌., അമേരിക്ക എന്നിങ്ങനെയും അറിയപ്പെടുന്നു. ആംഗലേയത്തില്‍ United States of America, U.S.A. കാനഡ, മെക്സിക്കോ എന്നിവയാണ്‌ അമേരിക്കയുടെ അയല്‍ രാജ്യങ്ങള്‍. റഷ്യ, ബഹാമസ്‌ എന്നീ രാജ്യങ്ങളുമായി സമുദ്രാതിര്‍ത്തിയുമുണ്ട്‌. അലാസ്ക, ഹവായി എന്നിവയൊഴികെ 48 സംസ്ഥാനങ്ങളും മെക്സിക്കോയ്ക്കും കാനഡയ്ക്കുമിടയിലുള്ള ഭൂപ്രദേശത്ത്‌ വ്യാപിച്ചു കിടക്കുന്നു. വലിപ്പത്തിന്റെ അടിസ്ഥാനത്തില്‍ ലോകത്തിലെ മൂന്നാമത്തെ രാജ്യമാണിത്‌. സാമ്പത്തികമായും രാഷ്ടീയമായും ലോകത്തിലെ ഏറ്റവും ശക്തമായ രാഷ്ട്രമാണ്‌ അമേരിക്കന്‍ ഐക്യനാടുകള്‍.
